/public/tvbcom/article/images/202609/62980ed8-4778-45f2-b81b-985f14c8af68.jpg)
《女神配對計劃2》今日（27日）播出第四集，五位女神何沛珈（Roxanne）、阮嘉敏（Mandy）、陳若思（Amber）、俞可程（Kanis）及郭珮文（Juliana）與一眾求愛勇者進行「五角枱」約會。
在正式開餐前，製作組特別安排了極具話題性的「戀愛之最」餐前遊戲，大家需輪流讀出杯墊下的題目並指出最符合的人，結果意外爆出不少震撼情史與大膽真心話！
延伸閱讀：
女神配對計劃2｜吳兆麟默契考驗「九中八」 霸氣攬女神纖腰 陳若思怕醜Cute樣滲粉紅泡泡
女神配對計劃2｜郭珮文棄前度揀李爾晨爆火藥味 Ice呷醋現「嬲豬樣」Kyle零距離撥髮引全場尖叫
首先，陳若思（Amber）幾乎被全場一致公認為「最黐身」和「最貪玩」的人。對於「最黐身」這一點，陳若思亦「供認不諱」：「我唔係好鍾意出街嘅人，拍拖鍾意兩個人留喺屋企多過出去，會成日黐住佢。大家除咗工作嘅時候，得閒就要喺埋一齊。」她續指自己絕對是一個戀愛至上的人：「我好衰㗎，會將男朋友放喺朋友前面！」
至於「最貪玩」，陳若思坦言自己怕悶：「我係坐唔定嘅人，唔可以悶，一悶就想搵啲嘢搞吓。有啲我未試過嘅情趣我都想試吓，例如我會鍾意人哋著制服！」
而在票選「最多Ex（前任）」的環節中，李爾晨（Kyle）以 3 票當選。有趣的是，李爾晨與郭珮文這對心意相通的CP竟互相投給對方！郭珮文笑言：「一種感覺嚟，覺得佢成個人好Smooth（圓滑、能說會道），同女仔傾計嗰啲。」而李爾晨則嘴甜回應：「因為佢好好，所以可能曾經有好多（前任）。」隨後在阮嘉敏的追問下，李爾晨坦言自己僅拍過 4 次拖。
陳若思即時舉手自爆拍過 5 次拖，而外表斯文穩重的兔仔（劉梓堅）以及 Zico（侯建民）就主動坦承自己過往有過 6 次拍拖經驗，成為全場情史最豐富的兩位，令現場驚呼連連。女神俞可程更忍不住搞笑表示自己完全「俾個樣呃到」！
