/public/tvbcom/article/images/202610/1fc3aafc-82d6-4e1b-aa46-d8a3bf59fed3.jpg)
《女神配對計劃2》今晚（1日）播出第八集水上樂園篇，陳星妤（Yvette）繼上集在「心跳電話亭」大放電後，今集再次憑強勁表現勇奪 MVP，獲得任意挑選一位求愛勇者入組的特權。
陳星妤最終決定將本組的 Ice 換走，欽點相識逾十年的好友李爾晨（Kyle）入組，豈料這次抉擇竟引爆二人埋藏多年的深層情感，陳星妤更在鏡頭前突然激動爆喊！
延伸閱讀：
女神配對計劃2｜Ice陳星妤親密互動惹醋意 郭珮文自爆曾委曲求全：係我嘅問題
女神配對計劃2｜初代「女神」 水着Look搶先睇 關嘉敏黑色綁帶泳衣最性感
女神配對計劃2｜泳池「騎膊馬」混戰熱血沸騰 全力爭奪與女神單獨過夜機會
面對上季女神關嘉敏、李芷晴對二人關係的好奇逼問，陳星妤先是解釋相識經過：「（大學）嗰陣時有個gathering，佢咁啱喺度，啲男仔想識女仔好正常嘅。」豈料李爾晨即刻接話：「但我只係識你喎！」令在場所有人明白的確是「襄王有夢」。
陳星妤此時亦突然控制不住情緒，哽咽表示：「好少有人喺我身邊咁多年，有好多事都會互相分享，譬如我入行會問佢意見，人生 decision 都會問大家意見。可以嘅話，我想一路 keep 住佢。」
她事後接受採訪時更剖白內心最大的擔憂：「一段關係可以 hold up 咁耐，其實係一件好 touch 嘅事，所有愛情我覺得都係脆弱同有時限，我唔想因為大家有感情之後就冇咗（呢個朋友）。」
看著眼前失控落淚的陳星妤，李爾晨亦被深深打動，雙眼通紅地感嘆：「我記返起好多嘢。人好搞笑，係會慢慢行埋，但唔知點解大家又慢慢行得疏遠。」
被問到大學時期為何沒有主動追求陳星妤，李爾晨首度吐露當年埋藏在心底的自卑感：「大學時候仲係一個小朋友，Yvette 需要人照顧，我大學生乜都冇，咩都爭取緊嘅時候，我俾唔到佢啲乜嘢。」
他又覺得自己一直未具備足夠條件：「我自己仲需要做得好啲，先可以配得上一個好嘅伴侶，所以我同陳星妤呢段關係我唔敢再提起，唔敢再正面面對。」
