女神配對計劃2｜阮嘉敏露背晚裝滲仙氣 《女神2》覓愛袒露心聲：見證到為咗愛可以付出幾多

依相可見，阮嘉敏以一身高領純白長裙示人，宛如化身「花仙子」，大露背設計令其索爆曲線表露無遺，渾身散發典雅迷人氣質，又仙又性感！

擁有4段感情經歷，現時已單身一年半的Mandy，坦言依然會選擇繼續相信愛情。她感性親吐心聲：「年幾前作為觀眾睇呢個節目，到而家自己親身拍呢個節目，我見證到為咗『愛』一個人你可以付出幾多？可以喺現場感受每一個時刻，幸運成為其中一位女神人一輩子只有一次機會選擇一個跟自己沒有血緣關係的人成為家人。希望大家跟我一樣，繼續相信愛情。」

不少人看完紛紛留言為Mandy加油打氣：「期待你揾到另一半」、「支持」。「金牌媒人」Bob林盛斌鬼馬表示：「好想睇你喊」，Mandy即回覆：「竟然有啲咁嘅癖好」，搞笑互動笑翻網民。