/public/tvbcom/article/images/202610/7f6ddb15-4635-47c1-b8de-7f62e5916b69.jpg)
《女神配對計劃2》今晚（18日）播出第 7 集，「冷氣男神」方智弘（Oscar）人氣持續上漲，除了上一集為他送上「心動頸鏈」的何沛珈（Roxanne）外，今集新空降的兩位「隱藏女神」陳星妤（Yvette）與梁超怡（Chiuyi）亦對他展現極大興趣，令「原配」俞可程（Kanis）危機感大增！
延伸閱讀：
女神配對計劃2｜阮嘉敏爆冷揀Hepter 眼濕濕吐心聲拒再「戀愛腦」 吳旭東失落爆喊：很難受，很折磨
女神配對計劃2｜Oscar遭左右夾擊超尷尬 何沛珈連環開火串對方 俞可程酸爆：佢哋都幾夾
女神配對計劃2｜超甜畫面搶先睇！陳星妤Oscar食鞋帶糖谷爆心跳 梁超怡Oswald掂鼻尖忘我超時
今集一開場，Oscar 與新加盟的隱藏女神陳星妤（Yvette）率先挑戰超高親密度的「食鞋帶糖」遊戲，二人需要共同將鞋帶糖咬至最短距離。過程中兩人距離急速拉近，最終以 2cm 的驚人成績完成。期間，面對陳星妤的連環電眼和言語攻勢，本身是怕醜仔的 Oscar，心跳更一度飆升至每分鐘 153 次，升幅達到 43，相當誇張。
俞可程（Kanis）在隨後的「心跳電話亭」環節中也主動出招捍衛地位！俞可程一入電話亭即望實 Oscar ，話裡有話地逼問：「做咩唔望住我？你係咪唔想同我心跳加速，所以唔望住我？」Oscar 尷尬解釋自己與陳星妤玩遊戲時心跳飆升的原因：「我本身係鍾意姐姐，如果佢強勢少少，就會令到我不自在，所以心跳好快⋯⋯我有少少 M 底。」
俞可程即時抓住機會，連出4招加碼進攻：「咁做啲咩會令到你心跳？不如讓我試吓。」說罷，她直接湊近 Oscar 耳邊：「你依家心唔心動？」又撒嬌質問：「點解你咁多人鍾意嘅？」隔著個 mon 都可以聞到濃濃醋味！
而且在整個過程中，每次見到 Oscar 羞澀地迴避眼神，俞可程亦是霸氣全開，譬如直接拿起手中的信封將 Oscar 的臉擺正，再伸手托住他的下巴，並使出「歪頭殺」：「逼你望住我！」事後俞可程受訪時坦言自己私下並不會如此主動：「我已經豁開咗。」
不過此刻俞可程並不知道她的「對手」其實還不止兩位。節目尾聲，原本第一選擇與關經翰（Oswald）接觸的梁超怡（Chiuyi），在最後選擇遊戲對象時，竟然也改選 Oscar，令全場O晒咀。
