女神配對計劃2|吳兆麟卸「偶包」狂數自身3大缺點 談北上工作Long D現分歧 陳若思斷言必分手

點讚

分享

《女神配對計劃2》今(22日)晚繼續播出遊樂園約會篇。向來直率的陳若思(Amber)表示希望進一步了解吳兆麟(Alan)不為人知的缺點:「Alan俾我嘅感覺係有一道高牆喺佢隔籬,而呢一道高牆令到我覺得好難接觸真正嘅佢⋯⋯我冇令到佢有種安全感,可以放低佢嘅包袱,去展現醜陋嘅一面。」

延伸閱讀:

女神配對計劃2|郭珮文自爆30歲前想結婚 Ice親製回憶相冊告白:我哋嘅故事會繼續

女神配對計劃2|菲林相機率先曝光約會點滴 郭珮文Ice復刻多年前合照超感動

對此,吳兆麟亦毫不避諱地直認:「我每次同你坐低,都有種開工mode嘅feel。」他在接受採訪時進一步剖白箇中原因,坦言自己多年來擔任主持,已習慣對鏡頭保持高度警覺:「我當係一個節目咁樣拍,但佢係一個真人騷。我從來冇拍過呢類型嘅節目,我唔知點樣去拿捏。」

他解釋,真人騷需要展現最真實一面,不能過度在意說話對錯,但這正正違背了他的工作原則:「因為我做主持,我每講一句嘢出嚟都有可能影響呢個item嘅本質,所以我對住鏡頭就會特別小心,好似每一句說話都係計劃過。」

為了打破隔閡,吳兆麟向陳若思坦承自己私下的生活陋習:「我嘅缺點係我好哩啡,有少少污糟,啲嘢會過夜再洗,同埋我丟三落四,我AirPods唔見過十幾個。」

除了生活大頭蝦,吳兆麟更自爆最大缺點是「超級工作狂」:「我好鍾意做嘢,曾經我同我前女友鬧過嘅交就係我做嘢嘅時候唔覆人,好容易忽略身邊嘅人⋯⋯我總係覺得自己做得唔夠好,我想有個事業。」

隨著話題深入,吳兆麟亦試探性問及陳若思能否接受 Long D,因為自己之前一直需要返內地工作。對此,一向極度需要安全感的陳若思即時斬釘截鐵拒絕:「唔得㗎,一定會分手。我覺得我嘅青春有限,一年就見12次,我又唔知你會唔會去媾其他女仔,我會好冇安全感。」

隨後陳若思反問對方:「咁你會唔會為咗你女朋友唔去內地做嘢?」面對女神的尖銳提問,吳兆麟冷靜又真誠地回應:「要衡量,呢個要視乎我有幾愛呢個女朋友,佢會唔會係我要娶嘅老婆,如果係,我會選擇唔去。」

登入

本服務使用 Cookies

本服務採用 Cookies 以保持其可靠性,促致個人化內容和廣告。 請按「同意」代表閣下同意我們的 Cookies 政策 以及 個人資料收集聲明 。