:quality(80)/public/tvbcom/article/images/202604/94a52e73-f820-4c66-82b6-c75c369c4794.png)
《女神配對計劃2》載譽歸來，今日公開5位新女神，包括陳若思、何沛珈、俞可程、阮嘉敏和郭珮文。俞可程接受訪問時直言恨拍拖，她說：「有一次我拍緊嘢，有個幕後叫我快啲拍拖，佢見到我好Dry，成個樣一望就知係冇拍拖。」
延伸閱讀：女神配對計劃2｜5大女神名單曝光！陳若思/何沛珈/俞可程/阮嘉敏/郭珮文起底懶人包一文睇晒
提到她的前男友是醫生，會否偏好專業人士？俞可程說：「其實又未必，因為我覺得專業人士唔代表啲咩，因為我本身都係測量師，咁我後尾都入咗嚟做artist，反而我冇試過同artist拍拖，無論佢系咩職業都好，佢鍾意我就ok。」俞可程坦言不介意與圈內人拍拖，「如果啱嘅話，做咩要介意，」
俞可程直認鍾情酒粒男，她說：「有酒粒係容易令我心動啲囉，一笑嘅時候，我Oh my god，會好心心眼咁樣，想同佢傾偈，好想睇到佢笑咁樣。」俞可程希望另一半性格善良和謙遜，她說：「唔可以覺得自己好叻，好大男人嗰啲我就唔鍾意。」
俞可程指公開談情説愛有壓力，「如果真系配對到要錫錫，我就覺得點算好呀，好有壓力，同埋我又驚冇人過嚟，因為我覺得我啱啱入行，大家又唔係好識我，擔心冇人會追求我。」
