女神配對計劃 2｜《女神》被質疑有劇本？林盛斌長文解畫親揭幕後一原因緊急Briefing

點讚

撰文：柔娛絲

發佈日期：2026-09-22 05:00

《女神配對計劃2》日前播出一集，其中26歲混血冷氣技工 Oscar（方智弘）憑超高顏值與健碩身材驚艷全場，連後台的「花生團」都忍不住集體發出驚呼：「好型呀！好靚仔！」。

雖然 Oscar 外表突出、斯文有禮，但他在節目中透露自己私下其實是個比較容易「emo」（情緒化）的人，最終Oscar 竟僅獲兩位女神撳燈支持，未能順利通過三燈保險線，幸好獲心意相通女神俞可程撳燈才過關。

主持人Bob林盛斌見狀後即攬着對方，「嚇死我喇，我真係以為你冇咗。」

網上出現不少質疑聲音，指節目內容好「假」、根本係「跟劇本做戲」。Bob雖然目前身在馬來西亞，酒店無得睇TVB只能靠上網睇精華，但他依然心繫節目，更忍不住發長文親自解畫。

面對網民的質疑，Bob 坦言明白部分觀眾會有這種想法，但他以主持人身份極力澄清。他重提早前 Oscar 險被淘汰的一幕，「如果嗰一刻Oscar唔係揀咗有撳燈嗰兩位女神其中之一，佢係真係會被淘汰，冇得再玩，所以我先有咁嘅反應。」

為免再有「高質求愛勇者」被無辜淘汰，Bob 大爆完成 Oscar 該環節後，他與監製、導演和編審與幾位女神再嚴肅地briefing，「只要你覺得呢個男仔幾好，你就可以撳燈，亦都唔好以為其他人會撳燈，所以自己唔使撳，如果唔係就會好似啱啱Oscar咁，爭啲淘汰咗一個高質素嘅求愛勇者。」

他又指最浪漫和感動莫過於是阮嘉敏與吳旭東的一對，「佢真係由西安自己一條友飛過嚟西貢面試，之後嘅故事發展係點，希望大家繼續密切留意。」

不過Bob 也十分欣賞另一「求愛勇者」Hepta，「希望Hepta可以努力加油，我係非常喜歡你，做女婿你係一流嗰啲嚟！」Oscar亦有留言「我都嚇死啦😭😭真係要抱一下」。

主頁