女神配對計劃｜黃家俊Matthew背景大起底 年薪逾200萬iBanker揸7位數字跑車

《女神配對計劃》日前（29日）播出的第四集中，「搞笑女神」關嘉敏Carman與姜卓文（細John）、i-banker黃家俊（Matthew）及蘭桂坊攝影達人劉榮業Andy進行「三角枱約會」。

黃家俊首先就成功獲得關嘉敏愛犬Two Two的親近，憑「狗」突圍的黃家俊，在話題方面亦是與關嘉敏最投契一位，皆因二人均曾任職模特兒，關嘉敏更因而引起當年為了賺學費兼職Model、卻因而本末倒置的歲月：「我嗰時做Model係因為我唔想靠屋企，主要係賺錢交學費，但我成日（做嘢）走堂，走到老師同我講，Carman你記住，學生先係Full Time喎…我廿歲頭已開始捱眼瞓，成日都捱夜，因為自己鍾意做呢行。」除了投契，關嘉敏對前度來自不同國籍的Matthew的舊情史亦大感興趣，並對外籍女士的高顏值表現興奮又羨慕；由於二人實在太好傾，當金牌媒人兼主持林盛斌出場表示二人「夠鐘」時，即遭關嘉敏嫌棄兼驅趕：「做咩出嚟？我未食完呀」；事後關嘉敏接受製作組訪問時亦坦言同Matthew「傾到停唔到」兼忘了時間的鐘。