/public/tvbcom/article/images/202509/2fb38201-d094-41a2-b77d-cb7cd50f509e.jpg)
《女神配對計劃》即將大結局！在昨晚（11日）播出的節目中，林俊其（Kris）把握最後機會出招，為羅毓儀（Yuki）親自作曲填詞兼編曲了《太陽後的月光》，並以「驚人」唱功深情獻唱，將羅毓儀深深震撼，擘到對眼史無前例咁大的她忍不住捧腹：「好驚呀！不如你唔好唱啦。」
延伸閱讀：女神配對計劃線上看｜羅毓儀林俊其最後約會搶先睇 Kris為女神親自作曲填詞兼演唱 5名求愛勇者被淘汰
節目播出後，羅毓儀也在IG晒出多張與林俊其一齊抱著可愛公仔的超甜合照，她指自己非常多謝林俊其的用心和努力，真情告白令網民紛紛嗌好感動！
羅毓儀留言：「一個人要表演自己擅長嘅嘢好容易，但如果你願意為一個人去做一樣你從未試過嘅嘢，真係好唔容易，呢樣嘢需要決心、需要時間同心機，而且要將自己唔擅長嘅嘢show俾人睇真係需要好大嘅勇氣，所以多謝你 @krisllck 為我作左呢首歌，呢首歌證明咗你係一個肯為對方嘗試、改變同變強嘅人💪Btw我記得你green room對鏡頭講咗話有咩都會同我講架(⁎⁍̴̛ᴗ⁍̴̛⁎)」。而林俊其也甜蜜回應：「雖然歌效果好聽得唔係話太明顯，不過你要知道你係值得幸福的solar☀️」。
