/public/tvbcom/article/images/202507/22913446-51c0-4fb2-9a5c-d8265660cf49.jpeg)
《女神配對計劃》第5集！製作組為李芷晴（Stephanie）三位男組員—金融分析師林焌堯（Jacob）、保險經紀劉偉強（Isaac），及西裝店老闆陳昇（Jaden）設計的關鍵字回合考驗為「口味」、「冧」及「舒服」；最後一關的「舒服」回合考驗，不但女神本人李芷晴對有這麼大幅度身體接觸感到驚驚，就連三位男士都分別出現面紅、顫抖及嚇到向後傾等小動作；配以李芷晴純真又迷茫的神情，畫面搞笑又帶點溫馨。最終，李芷晴選了會反將頭枕向自己的劉偉強，劉偉強順理成章成為李芷晴主菜飯腳！
李芷晴Love Language是Physical Touch
最終林焌堯因為贏出了第一及第二回合，可與李芷晴共享甜品時光。李芷晴與出名怕醜的林焌堯共度甜品時間時，雖然都是主導居多，但林焌堯b明顯在李芷晴引領下說話量激增；其中一幕，李芷晴坦言自己Love Language是physical touch：「要纏住、掂到、攬住，即係我會感受到愛嘅嗰種來源」時，林焌堯聞言即指自己也喜歡黐身型女友，並希望對方是真的想了解自己，頓時令李芷晴加分不少。
二人又開心Share了昔日戀愛故事，期間林焌堯問到李芷晴對上一次分手原因時，李芷晴坦白指問題可能在於自己黐身：「可能我好黐身，但對方係事業型嘅人，佢一個禮拜最多淨係可以見到一次，咁咪會好辛苦咯。」雖然該段感情已是過去式，但李芷晴說時帶點哽咽，並反問林焌堯戀愛經歷及初戀年齡，林焌堯亦十分老實回答：「我？第一次拍拖喺U（大學）…中學真係冇拍拖，因為「阿爸阿媽都唔鼓勵。」當李芷晴追問：「你真係因為阿爸阿媽？」時，林焌堯b表示：「真係會鬧嘅！」乖仔又聽話。
李芷晴為鍾情男生不介意做主動
之後林焌堯問李芷晴中學是否已很多戀愛經歷時，李芷晴急忙否認，並自揭曾為了一個男仔，由中一展開了五年的暗戀生涯，可惜最終慘遭劈腿：「我初戀就係我Form 1暗戀嗰個男仔，暗戀到Form 5，我記得係自己主動add佢嘅social media，只要佢一上線我就Hi…但（喺埋一齊後）好短時間我哋就分開咗，我唔知佢係一直有另一個女朋友定點，總之佢有另一個女仔。」雖算是陳年往事，但李芷晴重提這段初戀時，雙眼依然有著熱戀的雀躍及失戀的傷痛，難怪她自封「戀愛腦」。
二人甜品時間期間還發生了小插曲，事緣反應慢半拍的林焌堯，當目擊李芷晴被突如其來的小強嚇至成個彈起兼大叫救命時，林焌堯的反應竟是呆立當場，之後才戰戰兢兢問：「使唔使幫你…處理咗佢」，但說畢好像幫不了太大忙！
