女神配對計劃｜最感動畫面！曾展望淚崩向葉蒨文真情剖白：唔想你誤解我

Sophie透露雲文子師傅指他們兩人命格相剋，深入了解後會易有不滿，Sophie說：「佢話會有落差，但冇講係咩落差，可能你率性而為，可能少照顧女仔。」GM聞言即時情緒崩緊，肉緊說：「我心裏面好緊張你，但我唔識表達，頭先營火幾唔開心，你唔見電話時，我都好畀心機幫你搵……」之後GM更忍不住落淚說：「可能我畀大家感覺懶懶閒，但其實你打完畀我，我話去廁所，點解我去咁耐？其實我都幾落力搵緊，有啲Hurt囉。」

Sophie眼見GM淚腺失陷，Sophie亦眼濕濕安慰：「我知呀，我知你好落力，冇覺得你Hea，我知好多人誤解你。」GM再肉緊說：「其他人誤解我我唔着緊，只係緊張你有冇誤解我，你係一個我好緊張嘅人，係咪每次我一笑，就好似咩都冇做咁？我笑其實只係唔想大家咁辛苦啫，我唔鍾意發放負能量，我可能認真啲會好啲。」Sophie嬌嗔：「唔好呀，我鍾意你搞爛Gag多啲，你唔好變呀！」