/public/tvbcom/article/images/202509/39ca0194-8ff8-4273-8309-11e5a30b0862.jpeg)
《女神配對計劃 最後告白》今晚（9日）第二集登場的重點求愛勇者，有李芷晴（Step）組的林焌堯（Jacob）、關嘉敏（Carman）組的細John（姜卓文），及梁敏巧（Maggie）組的律師Matt（劉啟進），繼續集感動、搞笑、驚喜元素於一身，其中一Pair更會大爆驚人內幕！
經過三個多月的配對，除了「國民CP」GS，梁敏巧與劉啟進的「M&M CP」因為愛得夠真、夠坦率，同樣入晒屋！已躍升「暖男代言人」的劉啟進，由於知道梁敏巧讀書時試過在早會彈琴、兼想嘗試四手聯彈，所以劉啟進就選擇在學校禮堂裏與梁敏巧並肩上演第一次四手聯彈。
梁敏巧一見到劉啟進為自己精心準備的驚喜，已感動到熱淚盈眶，劉啟進見狀即抵死追問：「咁你鍾唔鍾意？做咩喊呀？」梁敏巧聞言連環撒嬌：「你咯」、「最衰都係你啦！」劉啟進再搞笑接招：「我有紙巾喎，作為一個暖男，係一定會有紙巾架。」梁敏巧見狀冧爆回應：「專業暖男！」事後梁敏巧極度感嘆劉啟進的細心：「佢真係記得我同佢講過嘅所有嘢。」
至於李芷晴組的林焌堯，則是本集的「搞笑＋派甜擔當」！在節目開初表現木獨又寡言的林焌堯，為了李芷晴終極大翻身，除在Dating Camp的心意對話環節、及時間囊愛的表白中由「惜字如金」變成「口若懸河」，還花盡心思為李芷晴送上驚喜三重奏—分別為「愛的魔法」、「星之Jacob」及「人造星空」，花臣度十足兼愛意滿瀉！
+4
