夫妻肺片｜吳若希驚爆前度一腳踏七船：同女仔朋友去澳門兩日一夜！

先說女子組，「婚姻偵察機」車婉婉直指：「有任何身體接觸，已經係出軌！」吳若希分享了一段超驚爆、前度一腳踏七船的故事：「問咗佢好多次，佢都話係兄弟，笑住話我呷醋…有晚唔知點解喺佢瞓覺時，我覺得要睇佢電話喇，一睇成個 Message全部都係，仲要唔止一個（外遇），有成五、六個，甚至有女仔朋友同佢去咗澳門過兩日一夜！」湯盈盈又自揭不能看老公錢嘉樂的親熱戲，笑言試過老公與蝦頭（楊詩敏）於舞台劇有「冇借位」的咀戲，令於慶功宴上黑足成晚面，而嘉樂則自此沒有再叫盈盈出席任何慶功宴。

至於人夫組則主力分享防偷食機會埋身奇招，森美透露曾被蘇民峰師傅一句「修心」：「佢話我條命有爛桃花，一遇到就會即畀人知，你老婆第一個知，佢話你冇咩就唔好諗喇。」曹永廉則自爆為了阻止自己於內地拍劇時「失守」，竟想到借用洪天明助手「擋煞」：「我叫佢瞓廳幫我攔住（門口）！」蕭正楠聞言狠批：「佢係擺個人喺度，防止自己行出去咋！」十分爆笑。而森美與蕭正楠，二人的防止女性埋身撒手鐧就是將老婆的靚相set做電話Wallpaper，兩人席間更拿著手上的Wallpaper鬥靚兼鬥多花款，場面喧鬧。