:quality(80)/public/tvbcom/article/images/202606/f2be74c8-e0ba-446c-a958-2fb0f2d18ccc.jpg)
《K Cash找數王呈獻：夫妻肺片》今晚（10日）播映的《夫妻肺片》「星級人夫人妻」嘉賓繼續是何依婷、莊思敏，支嚳儀（支支）、周吉佩（吉吉）、譚輝智與4位主持。
+2
支支激讚依婷開Cheque掟煲「好型」
女子組對前度的回憶非常兩極，既有暖心舉動，也有令人咋舌的超渣行為！當中以何依婷最爆！她透露曾於提出分手後遭前度追討「掟包費」，令全場女子即時齊聲：「吓？！」莊思敏好奇追問：「佢係咪想用呢個數留住你？」依婷聞言肉緊回應：「但女人聽到呢吓就會著火咯！跟住我冇咁多現金嘛，我走去間房（事發地點是依婷家）攞本支票簿出嚟，嗰個係一個2萬6千蚊嘅手袋，我寫咗3萬蚊畀佢，話唔使找，你即刻同我走。」依婷的霸氣表現，贏得支支「尊敬眼神」並說：「你好型呀！」
+4
至於被喻為「鱷魚頭老襯底No.1」的莊思敏，自揭曾收過第三者打來的示威電話，內容是：「不如你放手啦！」並震驚該名小三還與其前度租了一個小安樂窩密會，當中按金竟是小三向莊思敏借的錢，全場女士再度陷入嘩然並追問：「Friend嚟㗎？」莊思敏聞言淡定回應：「係我個女仔Friend嚟。」由於太離奇，嚇到「定晒格」的依婷忍不住追問：「你（會）借錢畀佢，都好熟喎其實。」
