唱錢｜小肥自爆參賽《唱錢》緊張冇信心 黃淑蔓勢衝Monster獲獎心情未平復

小肥直認參加此節目非常緊張，更表示動搖其在舞台唱歌的信心，「頭先未拍前畀我哋試下， 因為唔可以同平時上台唱歌個mode去玩都好有難度，我都有留意之前節目嘅參賽者點玩，個秘詄要長過個bar、 轉音位要跟足等等，搞到我都好緊張 。（喺舞台咁有經驗都緊張？）係囉！我初頭都以為冇事，睇小咗， 頭先Eric Kwok都有同我講當打機咁。」

黃淑蔓均表示緊張，更自爆「自己舉手參加節目」，「我嚟之前已經睇咗好多集， 所以我知呢個節目唔係要唱得好聽 ，冇得用我平時個人技巧， 但我一嚟已經被打擊自信， 覺得自己唔識唱歌， 但點都好我係嚟挑戰Monster。（頭先見你喺台上好淡定？）假象嚟， 我每次緊張都冇人睇得出 ，其實我係手震腳震嘴震嗰啲人嚟。」

至於小肥也指會以挑戰Monster為目標，並指由於賽果會影響家庭觀眾，所以甚有壓力。

另外，談到日前黃淑蔓在金像獎奪得「最佳原創電影歌曲」獎，她直認心情還未平復，「因為我仲未有時間休息，依然每日要工作，所以我仲係覺得好唔真實 ，未有時間畀我平靜落嚟同埋又未得閒同屋企人食飯慶祝，但好多謝大家鍾意呢套電影同歌， 畀我肯定同信心。（點樣獎勵自己？）我已經請咗自己食雪糕 。」