唱錢｜吳業坤玩到大嗌「想返屋企」 張與辰唱到五體投地：緊張過《中3》

為了建構《唱錢》舞台，音樂總監Eric Kwok籌備期間幾乎日日駐足電視城，工時比幕後團隊還要長，因而獲封「最佳員工」；更搞笑的是，為了爭取時間陪愛犬，Eric Kwok索性帶埋菠蘿直踩會議室！Eric Kwok之所以如此瞓身，全因想做好《唱錢》三大任務，Eric Kwok：「第一，分歌嘅Level，例如個音Jump嘅位多唔多、音域闊唔闊，仲有拍子。第二，指出每隻歌嘅難度位。第三，要測試系統嘅音準同拍子嘅準確度。」節目幕後主創強調《唱錢》基底是Game Show，並瞄準觀眾對音樂節目的喜愛，為觀眾打造久違了的「與眾同樂遊戲節目」。

自上周一（12日）開始，官方逐步公布首輪24位參賽者名單及個人資料，「明星版」的參賽者暫時有今屆「飛躍男」得主吳業坤、側田、張與辰、黃洛妍、向海嵐、李尹嫣及XiX；當中貴為實力演唱派的吳業坤及張與辰，異口同聲表示參加《唱錢》讓他們超緊張；首先自封「慈雲山劉浩龍」的坤哥，笑言壓力大到「想返屋企」；張與辰則透露為了節目日日練歌、不敢怠慢：「緊張過參加比賽，因為今次嘅獎金係為觀眾爭取。呢個音樂系統需要跟番原唱，所以我覺得對我嚟講係好大挑戰。」觀乎節目相關宣傳片段，張與辰一度唱到「五體投地」，形象化地展現了遊戲的難度及刺激感。

素人方面，除有自誇打爆坊間唱歌APP的幼稚園老師雲嫦娥、自稱擁「Perfect Pitch」的22歲少女雷樂韻、200+場婚禮樂隊主唱江顯朗、「全港罕有品水師」陳思錡，及香港青年乒乓球手蔡楠，值得期待。