/public/tvbcom/article/images/202603/f78aa786-b57b-4ddf-bf2e-e0197f1cd203.jpg)
TVB互動音樂遊戲節目《唱錢》本周六晚（7日）八點半翡翠台播出第七集。除了三位常規主持，陸浩明將聯同Plan V其餘四位成員：江廷慧、彭家賢、陳昊廷及侯雋熙主持直播間。
延伸閱讀：妥瑞症小朋友睇《唱錢》迷上側田 拍片挑戰《數字人生》勁有Heart！本尊側田鼓勵：期待和你jam歌
今日官方率先發布其中兩名超猛料素人比賽實況，首先是來自高雄的阿億，為了照顧母親，阿億將音樂夢押後了足足20年，直到母親離世，又適逢《唱錢》機遇，阿億決定勇敢踏上舞台，為自己、也為亡母及太太追夢。
為了唱贏AI實測系統，阿億苦練廣東話；當森美得悉阿億只花了半年時間便將廣東話說得如此流利，即搞笑謂：「係咪老婆好靚？如果老婆唔靚，冇理由咁快學到廣東話！」親臨現場為阿億打氣的林太，笑言當初二人靠「唱歌app」結緣，並因「一粒音」愛上老公：「聽咗第一粒音已經鍾情。」即令現場所有人對阿億的歌唱實力大感期待。
擅長高音及情深Tone的阿億，其中一首挑戰歌曲是《演員》，唱畢獲森美大讚高音部份相當動聽：「後面聽出嚟直頭係享受呀。」與藝人挑戰者不同的是，阿億全程情緒沒有高低起伏，獲Eric Kwok戲言：「佢好適合玩Poker比賽。」
另一位是貴為兩位青少年媽咪的Mani，後生時曾報名參加新秀的Mani，近年一再獲兒子鼓勵參加《中年好聲音》，但礙於台風方面欠自信，Mani一直未有行動，直到看到《唱錢》宣傳講明「唔使台風」，才心動報名：「我睇到你哋廣告，我畀唔使台風吸引咗。」並笑言上《唱錢》暗藏另一夢想：「我見到好多歌唱節目參賽者都係素人嚟，佢哋經TVB改造完都好靚，所以想試吓。」相當搞笑。
揚言忍足幾個星期唔敢食辣、兼瞄準十萬港元現金大獎的Mani，根據官方發布資料先後挑戰了《信者得愛》及《紅豆》，神奇的是無論是哪首歌曲，Mani都能唱出原唱者的聲線及神韻，連Eric都不禁驚嘆：「你跟足王菲嘅腔，我想講，好聽喎！喺呢個節目可以唱得到、又唱得好，好難架。」到底自稱是「最後一次明星夢」的Mani，是否就是傳說中贏走十萬港元大獎的人，密切留意本周六播出的《唱錢》。
