唱錢｜古淖文挑戰《笑忘書》壓力爆煲 李金凱唱《演員》緊張忘詞：呢個遊戲真係好驚

阿古及金凱向來在舞台上自信滿滿，但在《唱錢》系統面前卻顯得「無晒符」齊齊失魂，台上表現均如坐過山車般驚險。首先出場的是阿古，在賽前已顯得相當緊張：「而家好似會考咁，要跟返拍子同音準係一件難度高嘅事，我都驚Level 1都過唔到。」在挑戰經典K歌《愛得太遲》時，阿古賽前自言只有一個位置是最難唱，Eric Kwok聽後都大表認同：「我哋真係做到朋友，就係呢個位。」

《愛得太遲》這首歌沒有誇張音域並且旋律順暢，對阿古來說理應得心應手，豈料在唱到最關鍵時刻突然被「WARNING」警號突襲，阿古當場嚇一嚇，緊張到「伸脷」又「透大氣」，完美演繹出「失魂」境界。森美見狀都忍不住問：「做乜嘢呢？點解無端端臨到尾突然間好似失魂咁。」

另外，阿古向來唱歌風格強烈，在挑戰《笑忘書》前神情顯得特別緊張：「真係唔易。」連Eric Kwok 都認同「難唱」，《笑忘書》難唱之處在於真假音換聲及氣息控制，極度考驗歌手肺活量，阿古更以「生死攸關」來形容對這首歌的可怕程度。在演唱時，他身體不停作擺動，左手更不停跟隨音樂系統揮動，全程不敢有半點鬆懈，足見其心理壓力非常之大。阿古為了過關更笑言要不惜改變唱歌習慣：「唔理有冇感情，過到關最緊要」、「而家好似細路哥學返行路」、「呢個過程好辛苦」。

同場的另一位挑戰者金凱，面對《唱錢》系統一樣感到害怕：「而家要抄返原版係有啲難」、「練習到發夢都喺度練習」、「呢個遊戲真係好驚」，足見他壓力非常之大。在挑戰《演員》時，賽前的金凱表示：「有啲難度，因為跨度有啲大。」

《演員》這首歌極考驗歌手高音換聲技巧，在「氣息控制」上要拿捏到位相當不容易。金凱在演唱時非常專注地望着螢幕上的「旋律 Bar」，神情明顯緊張，期間音準部分出現多次大波幅，還緊張到忘記歌唱，情急之下改用「Da La Da」頂上，現場人士都替他捏一把冷汗呀！

金凱向來以「真摯細膩」的唱歌風格為人熟悉，但他為了能成功過關，竟然與阿古一樣選擇改變唱歌習慣，在挑戰《分分鐘需要你》時，金凱明顯整個人顯得繃緊，歌聲刻意壓低力度，以「輕輕唱」的方法演唱，怎料在關鍵時刻被「DANGER」警號追殺，令金凱緊張情緒再度升級，現場氣氛相當緊張。