友乜唔講得｜蘭茜「天花板刨西瓜」經典場面出土 搏盡只為玩好每一個遊戲：呢行嘅人都有團火

因無綫節目《歡樂今宵》結緣眨眼40載的阮兆祥、梅小惠、江欣燕，早前合作拍攝節目《友乜唔講得》，昨晚現身的兩位嘉賓，是已轉型為女強人、近年甚少現身公仔箱的廖碧兒及蘭茜。

近年已退居幕後的蘭茜，當年憑藉「天花板刨西瓜」絕技爆紅一時，節目中還播出了蘭茜當年與關詠荷鬥刨西瓜的經典場面，兩位「女刨家」拼盡全力刨到成身都係唔在講，蘭茜更被主持人林曉峰驚揭連西瓜皮都刨穿埋，錢嘉樂聞言即搭嗲：「刨西瓜最高境界！」經典又爆笑。蘭茜坦言「呢行嘅人都有團火」，所以當年無論刨西瓜又好、刨粟米都好，只是想做好每個遊戲。蘭茜大拋專業bite：「呢行個個都係人才，所以你更加要200分去做好自己。」節目中提到玩遊戲都要有專業精神，梅小惠提及當年與祥仔上《味分高下》，為了咬出有一定重量的蘋果，祥仔鋌而走險上演「生吞蘋果」，節目亦特意剪輯了當年的精彩一幕播出；小惠憶述當時情況謂：「佢差唔多成個蘋果塞咗入口！當時全場嗌晒救命。」祥仔聞言即接話「玩遊戲就係咁」：「我當時係盡我所能將我個口擘到最大，然後一嘢吸落個蘋果度，但因為我去得太盡，我一度褪唔番成嚿蘋果出嚟，係Kick住咗！最終我係咁上下上下用力搖，先至咬得番啖蘋果出嚟，爭啲甩骹嗰次。」