友乜唔講得｜蘭茜原來識畫國畫 《金剛經》寫足十幾廿年 一筆一劃都是心血：寫錯一個字成張唔要得！

昨晚《友乜唔講得》，蘭茜除了綜藝感爆燈，私下更是才華洋溢，除了多年來為不同大小公司策劃team building，還學了二十多年國畫。蘭茜說：「我自細就鍾意寫字同畫畫，我跟咗個老師差唔多二十年，越學越有興趣，有時細嘅學識係要搵人教你。」小惠聞言即補充指蘭茜書寫的《金剛經》別具觀賞價值：「全部字大細同距離喺每一幅畫都一樣」；蘭茜的《金剛經》除了曾獲展出機會，亦已獲識畫之人買回家收藏；蘭茜透露要畫完金剛經，過程中著實花了很多很多的時間：「我寫咗好多年，由day1就開始寫，即係寫咗十幾廿年，寫咗好多次、無數咁多次。可能第一張，你寫到第六行第五個字錯咗，你係成張唔要得。我係錯完又錯、錯完又錯，你見到嗰幾十張，都唔知寫咗幾多張，因為一有字錯咗就唔要得；有時寫到尾二嗰三個字，你係過唔到就唔要得架喇。」

博學多才、興趣多多的蘭茜，大學時修讀人類學，故對於考古及人生意義等哲學課題頗有興趣，更為了想到博物館工作，而在古董店中打工打了七年之久：「因為做博物館要考好多試，所以我去咗荷里活道一間古董舖度做嘢，邊做邊學，做咗七年，我好鍾意保育呢個課題。」

大談幫曾志偉先生做行政工作時最不適應的事

曾師承「獎門人」曾志偉的蘭茜，談到為志偉的總經理職務擔任行政工作期間最不適應的一件事，蘭茜笑言竟然是要叫志偉做曾生：「你知我通常叫曾生做阿爸／老爺，但因為大家角色唔同咗，我Day 1就同自己講，叫老闆一定要講曾生。」