友乜唔講得｜米雪難忘當年工作密密麻麻 曾試過十天沒有睡覺 淨係靠餅乾填肚

因無綫節目《歡樂今宵》結緣眨眼40載的阮兆祥、梅小惠、江欣燕，早前合作拍攝節目《友乜唔講得》，本周日晚（27日）現身嘉賓是「青春嘅秘密」米雪！1969年已接觸演藝事業的米雪，將在節目中大談入行超過60年的點滴，除自爆曾揸大膽車外，又踢爆周潤發佻皮一面，節目中還出土了不少米雪昔日的花旦靚樣。

難忘發哥被遺忘海中心趣事

米雪於1969年透過報讀邵氏影視藝員訓練班入行，她透露當年自己主力進修電影：「我同甘國亮、李修賢、林建明、傅聲係同學，嗰年係唯一一屆分開上堂， 一批無綫上堂學電視，我哋學電影就喺邵氏上，而一星期會有一日大家拼埋上堂。」問到曾與不少Legend級男藝人合作，包括羅文、鄭少秋、劉松仁及謝賢等，那一位讓她最難忘或最難抽身，米雪竟忽然大爆《蘇乞兒》拍檔周潤發俏皮一面：「發哥佢好鍾意玩架，當時有個小朋友演初三（馮志豐飾），發哥成日整蠱佢，成日除佢條褲！」想當年想得興起的米雪，還大爆一次拍攝出海戲份時，飄到海中心的發哥被劇組徹底遺忘的有趣往事，萬勿錯過。