友乜唔講得〡曾志偉致力行善獲封「演藝圈救護車」 曾主動秒捐兩部洗腎機 對《歡樂滿東華》有情意結

友乜唔講得〡曾志偉親揭入無綫做總經理兩大原因 阮兆祥揭「通處瞓」終極真相志偉續指難忘當年華東水災十分成功，其中一件開心事是獲得不少的士司機及十四座小巴幫忙：「好多的士大佬啦、十四座啦，一話：『你去馬會呀？去賑災呀？唔使錢車你去！』所以唔止係我哋呢個行業，係靠香港所有嘅行業都出嚟幫手。香港咁細嘅地方，喺咁短嘅時間，可以出咁多錢去幫手，呢樣嘢個message先係最大嘅。我記得嗰年最感動係，突然間聽到何伯（已故大慈善家）嘅電話，就係話今晚你哋籌款，籌到一蚊我就捐一蚊。」

志偉坦言自己十分熱愛《歡樂滿東華》這個節目，並想「做到我冇能力做為止」。而東華最令志偉動容的，是屋邨街坊「顧己及人」的精神：「令我最感動係，屋邨嘅人係捐錢捐好多嘅。我都成日問啲屋邨，點解你哋捐咁多嘅呢？原來因為佢哋就係受惠者。佢哋一有咩事，會去東華旗下嘅機構睇病、做手術、住院咁，就咁畀一百蚊嘅啫。所以佢哋覺得冇事冇幹嘅話、有多餘錢要捐番出嚟。」

曾拍住志偉參與不少慈善工作的祥仔，憶述有次獲志偉邀請齊齊到馬來西亞做慈善，當志偉發現當地人要「排好耐隊」才能洗腎時，即二話不說表示要捐兩部洗腎機，並提出其中一部他付錢購買的洗腎機以祥仔名義捐出；祥仔眼濕濕憶述說：「唔少錢㗎嗰度！志偉一嚟就話一部你送，一部我送…入我數，不過用你名義去捐。」志偉還提及了一個自己親身經歷的「150萬」與「100萬」的故事，帶出行善不要計較、不要動氣：「只要件事係好事，唔好計較太多，唔好以自己為中心，唔好成日用自己做出發點。」

延伸閱讀：
TVB節目巡禮2025｜周嘉洛一粒糖氹到汪明荃秒變開心少女 羅家英現身宣傳片玩「哀求」?

一日打工限定｜張振朗一日海上清潔師晒驚人體力 超強麒麟臂＋前臂肌肉＋三頭肌勁搶Fo

大師兄感謝祭｜阿Bob玩遊戲太搏命搞到周身傷 事後公開兩大受傷鐵證「怨念」滿滿