何太欲離婚改嫁美國？ 叫何伯做管家掃花園 何伯疑爆喊： 唔通睇住老婆同人上床！？

早前（5月）《東張西望》報道76歲何伯與比其年輕逾30歲的何太「忘年戀」，何伯為何太更與亡妻所生的五子女反目，而何伯細女擅自調走與何伯聯名戶口中450萬元，令何伯兩夫婦大為激氣，事件在當時持續發酵近一個月，成為全城熱話。雖然這段「忘年戀」並不被大家看好，但何伯同何太依舊相信與對方是「真愛」，更無懼質疑目光，大方在社交平台曬恩愛咀咀。其實最近何太依然動作多多，繼續開直播與網民互動，對於有粉絲提到何太可離婚改嫁美國，何太竟「當真」，與何伯討論起此事！

何太用普通話念出網民留言：「你們其中有一個人說，讓我帶婆婆、兒子去嫁。如果未來的老公不嫌棄我帶老公、帶兒子，那我也是會的。那很好，以後我少請一個管家，讓我現在的老公當我們的管家。」此時，鏡頭外的何伯出聲，何太亦非常驚訝何伯竟聽得明普通話，她對何伯說：「你都識聽呀？」何伯語氣明顯激動：「你估我唔識聽呀？」何太解釋道：「你沒錢，我能帶你出國嘛。」何伯不忿：「會攞返返嚟㗎嘛！」原本還笑笑口的何太卻突然黑面：「你攞返返嚟先算啦！」。不知是否因為何伯在鏡頭外落淚，何太安撫何伯道：「你唔好喊啦！」但她亦有「補刀」：「你冇能力就要認㗎啦！」這番說話顯然令何伯更加心碎：「你知唔知我個心有幾痛！我以為搵到個真心對我嘅老婆。」何太又稱「改嫁」是很常見的事：「如果有辦法，邊使離婚、改嫁呀！」並疑似為自己的話語「開脫」：「我唔想你死咋！如果筆錢人哋做咗手腳攞唔返呢？我咪即係救咗你囉！第時你咪留喺我哋身邊做管家囉，幫我哋掃吓花園，切吓生果，好似你而家咁樣囉！」何伯無奈道：「我睇住個老婆同人上床，我幾難頂呀？」何太亦認真回應：「如果人哋娶我嗰個睇得開呢？人哋美國生活嘅人開通呢？」何伯頂唔順，反駁道：「人哋話：『呢個好女人嚟㗎咩？』我冇晒面㗎啦！」何太卻堅持自己是「好心」：「我唔好就唔會帶住你去嫁啦！」