今晚有歌廳｜姚焯菲自揭暗戀往事 驚爆兩大擇偶條件 鍾意呢一類男仔？

姚焯菲大方公開喜歡男仔類型

今集周國豐及支嚳儀就「失戀」及「暑期工」兩個話題向兩位嘉賓作出搞笑提問，周國豐問18歲的姚焯菲有否試過失戀時，姚焯菲第一反應竟是傻笑兼帶點尷尬青澀，同場的顏志恒、顏米羔及黃劍文即時忍不住哈哈大笑，周國豐亦笑言姚焯菲「呢個笑容」可圈可點。姚焯菲之後透露覺得自己沒有失過戀，並直豎食指裝作有霸氣地一再強調：「我覺得我未經歷過呢樣嘢！」但就坦承試過暗戀男同學，並笑言當時暗戀得相當低調：「一開始都唔敢同朋友講，因為會好驚，你知嗰啲推嚟推去，叫你『去啦去啦！』，好驚呢啲。」又大方公開喜歡男仔類型：「其實我鍾意比較靜嘅人。」以及「我一定要由朋友開始。」想知姚焯菲當年暗戀詳情，就要密切留意節目。

談到暑期工話題，姚焯菲透露現時的工作正是她的暑期工，並自揭自己是睡寶寶，所以這份暑期工最難的地方是捱夜：「我係習慣好早瞓嘅人。（睡寶寶？）我係，去到好夜嘅時候我會開始發呆，我會唔講嘢，咁大家就會『死喇，佢要瞓覺喇…』。」至於顏志恒的唯一一次暑期工，則是在酒樓工作，他直指當時不但煮飯（皆因是大鑊飯）很大工程，每日更要花費大量氣力及要眼明手快。想知更多詳情，及親眼目擊姚焯菲多到滿瀉的甜美可愛笑容，敬請期待本周日晚播出的《今晚有歌廳》。