人生美食地圖-東京篇｜陳山聰談Jaco與自己年幼時同樣熱愛舞獅忽然感性喪喊 親揭仔仔「熄電視怪癖」

山聰今晚（13日）一集將體驗小朋友生活日常，除品嚐兒童餐，還去了兒童視點Café感受兒童POV，搞笑地試孭了超大型的「小朋友POV書包」的同時，還特意「扮好重」嚇女職員，十足大細路。山聰席間與陳方藤大談有了仔仔Jaco後的轉變，笑言：「有咗佢真係訓練耐性，我本身好無耐性。」談到與Jaco最深刻的回憶時，山聰忽然流下了男兒淚，更數度哽咽至幾乎說不出話，相當感性！山聰透露看到Jaco戴上舞獅頭的一刻，便相當感動，皆因他自己也是自小就對舞獅充滿熱愛，山聰邊哽咽忍淚、邊感性地說：「我諗起我爸爸細個帶我去舞獅，因為我三歲就開始學舞獅，嗰樣嘅傳承真係好感動。」又指Jaco每天做完功課後第一件想做的事就是練習舞獅：「而家佢鍾意呢樣嘢，我一定會栽培佢。呢個世界所有嘢都唔屬於你，唯獨骨肉先係屬於你。」山聰又大爆Jaco從來不看自己主演的電視劇，而且每次一看到山聰就會「熄咗佢」及「匿埋入房」，令山聰哭笑不得。