中年好聲音4｜71歲鄔友正面試前出事？ 自揭3大原因表現失準：上月跌親骨折

鄔友正為了參加《中年好聲音4》，提前三個月找老師苦練唱歌，海選前兩日，鄔友正突然發文指對比賽無信心：「仲有兩天便參加海選了，但今天居然腳軟了！今天在家，站在我老助手面前試唱，居然跟唔到拍子，又忘記歌詞！」雖然心情緊張，不過他表示不會輕易放棄：「原來唱歌真是不能速成的，我只是練咗三個月，底子唔夠，面對評判，會緊張，會亂咗拍子，到時會手足無措，出醜在人前！想起都心寒！退選是最容易的路！但好難得同一班唱歌高手同台比賽，唔捨得放棄！」

自揭《中年好聲音4》面試嚴重失準

鄔友正在社交網晒出參加海選照片，並發長文告別《中年好聲音4》：「昨晚比賽大失水準，是時候同中年好聲音四說再見！」相中可見，鄔友正撐著拐杖現身，原來他早前一家到歐洲旅行前夕，不慎跌倒而腳板骨折，當時醫生表示他要休養4個月。

鄔友正堅持完比賽並總結表現失準三大原因：「一，上個月跌到骨折，唱歌時腳痛，唔夠集中！二，臨急抱佛腳，天天練唱歌，唱到喉咙都沙咗！欲速不達！三，這是最重要的一點！7天前立咗決心戒口，只食健康的東西，以免影響唱歌！ 可是前天，一時大意，忍唔住口，食咗大量魚生！ 因為腹瀉，整晚要起身去廁所，瞓唔到覺！ 比賽那天也要不停去廁所，好辛苦，腳都軟埋，輕咗 2kg！」