中年好聲音4｜「白眉鷹王」莫家淦16強畢業 永不放棄：迎接未來每一個挑戰！

莫家淦續感恩可以參加《中年好聲音4》，「真係好感謝呢個舞台，俾我將另一面帶俾大家。由蒙面嘅『白眉鷹王』，到叫唔出名嘅『嗰位演員』，再到『唱歌都還可以嘅莫家淦』。每一次節目出街，都好感謝各位觀眾對我嘅支持，同每一句鼓勵說話。」

莫家淦感謝每一位戰友，「『最佳損友』嘅隊友、『紫隊』嘅隊友、『當紅炸子隊』嘅隊友，仲有銀老師、評審們、Donald老師、樂隊們，以及幕後每一位同事。特別多謝每場都嚟支持我嘅母親大人，同喺屋企幫我裝香嘅父親大人，仲有外母、老婆同兩個仔。」

莫家淦表示會繼續接受每個挑戰，他說：「今日，我喺16強畢業了。但我相信呢個並唔係終結，我會繼續努力，迎接新嘅一頁，迎接未來每一個挑戰！大家好，我係《中年好聲音4》16強嘅——白眉鷹王，莫家淦！」