中年好聲音4｜「東方不敗」尹景順挑戰原Key《人間》 黃博超仙和音加持狂掃95分

談及選擇與景順合作的原因，黃博表示：「佢唱個首《阿嬤的話》好感動我，我覺得佢係一個好享受音樂，享受舞台嘅一個參賽者」，而景順直言能與對方同台感到十分驚喜：「佢係我哋嘅王牌，大家都想同佢唱，所以我係非常非常開心」！

擁有「大馬王菲」美譽的景順，以空靈聲線見稱，今次再挑戰王菲作品，更大膽以原Key演繹《人間》，難度極高；配合黃博極具仙氣的和音，令整個舞台如夢似幻，令人陶醉！評審張佳添亦忍不住驚嘆：「黃博啲Harmony（和音）好鬼靚！」兩人的表現成功俘虜5位評審，最終豪奪95分！

張佳添形容二人的演出：「好似去到仙境，我真係唔覺得我喺人間」，並搞笑為兩人組合取名「穩勝唔使博」；海兒直言組合達到「一加一大於二」效果。不過，孫耀威亦提出少少意見，認為黃博在歌曲細節上的處理極為細膩：「佢令成隻歌你啲岩巉位，都幫你包得好好，但我又唔想話你岩巉」，他續說景順挑戰原Key已相當不易，並笑言以粉絲角度，希望他在情感表達上可以再多一點層次。