中年好聲音4｜「大馬周深」尹景順女聲唱腔驚艷全場奪5燈 谷婭溦13年前戰友 私下爆肌超反差

尹景順獲封「大馬周深」+東方不敗

對於尹景順雌雄莫辨的聲線，幾位評審都大為驚嘆，海兒激讚好反差，更「肥媽」上身以美食形容：「好似一碟Fusion菜」，即獲肥媽的肯定！張佳添：「你直頭可以叫『馬來西亞周深』，你嘅可能性係無限嘅！」，而周國豐更封尹景順為「東方不敗」！

原來谷婭溦與尹景順13年前曾是歌唱比賽中並肩作戰的戰友，溦溦頓時感慨萬千忍不住哽咽道：「我們都一直在追夢的路上，我好開心可以喺香港見到你，加油！」，全場掌聲雷動。

談及選歌原因，尹景順以自己的角度賦予歌曲不一樣的意義：「其實《身騎白馬》呢首歌係講愛情，但係有時我哋將唱歌當咗我哋嘅愛情，咁呢首歌好似...錯失咗機會，但係我唔放棄繼續去追，係用一個比較唔一樣嘅睇法去睇呢首歌。」