/public/tvbcom/article/images/202608/d5cc6375-5224-43d1-ba16-e3354d0604ac.jpg)
《中年好聲音4》總決賽圓滿結束！尹景順大熱奪冠，許雲妮及鄭家聲分別奪得亞、季軍。獲得第七名的許美琪，日前在社交平台感性發長文告別《中4》舞台，並親解決賽失準原因。
決賽當晚，許美琪在慢歌及快歌回合分別以《你沒有好結果》及《Bad Romance》出戰，她自揭慢歌回合時ear mon突發狀況：「一開始我係帶住好強烈嘅感情去唱，點知唱唱下耳機突然聽到「滴答滴答」嘅聲到副歌前，足足持續咗20 秒，即刻被分散咗注意力，連歌詞都可惜唱錯。」
美琪續說當下她不知所措，等她反應過來已經太遲：「我腦海一片空白，唱呢首歌嘅感情亦都消失晒。呢一個係live show，唱唱下嗰陣耳機出現咗技術問題，但 Show must go on。只能怪自己對處理突發技術問題嘅經驗不足，唔知點處理。呢次當係買個教訓，舞台上真係隨時會發生任何事，做歌手最緊要係唔好被影響到。」
美琪一改以往風格，跳唱Lady Gaga的高難度名曲《Bad Romance》，令人眼前一亮！「暗黑風」造型亦在網上掀起熱烈討論，美琪回應：「我都聽到好多人講我個造型。其實係因為唱完慢歌之後流眼淚搞到妝都溶曬。如果唔係眼腫，我一定可以駕馭到呢個妝容！只能怪自己眼淺，話明喊包琪 聽講我當晚個髮型仲紅過我首歌 ！只能講現場表演總會帶嚟意想不到嘅效果。」
雖然留有遺憾，但美琪坦然接受自己的不完美，正能量留言：「名次唔緊要 (7係我lucky number)，只不過可惜慢歌嗰部分表現得唔好，呢個係我唯一嘅遺憾。不過唔緊要，呢個只係一個開始，亦係一次好寶貴嘅學習經驗。希望大家繼續支持我，好快再見」，獲中4戰友周志康、蔡宓婕、卓猷燕、謝昉益以及大批網民留言打氣。
