中年好聲音4｜髮型師鄭家聲翻睇周星馳經典戲苦練《李香蘭》 自爆返加國獲客人畀好多貼士

比賽前，節目組特別為兩人拍攝短片，分享他們人到中年的心路歷程。鄭家聲專程重回童年時居住的屋苑，他透露自7歲移民加拿大後，從未回過成長地，所以特別拿着小時候的照片與現時作對比，除了他已長大成人外，難得屋苑的環境改變不大，令他勾起很多童年回憶。

鄭家聲表示移民初期英文不好，缺乏自信而甚少出街，多數在家看TVB劇集。直至返教會後唱歌獲讚賞，鄭家聲開始學唱歌和跳舞，才慢慢建立自信：「然後竟然有唱片公司搵我，我都覺得幾神奇。」

除了唱歌外，鄭家聲在加拿大學懂剪頭髮，更成為髮型師，他坦言決定參加《中年好聲音4》，很多客人都支持他：「但佢哋又好想我即刻返去幫佢哋剪頭髮。」鄭家聲笑言比賽期間回加拿大時，得知很多客人不肯剪頭髮，一定要等他回來：「甚至可能個頭唔使點剪，但都特登過嚟見我，畀好多好多支持我，例如畀好多貼士，等我喺呢段期間過得舒服少少。」鄭家聲最初目標是進入總決賽，但比賽過程中發覺其他對手愈來愈強，所以現時他只想唱好歌曲帶給觀眾。

回到比賽，擅長唱悲情歌的鄭家聲全情投入獻唱《李香蘭》，他坦言首次聽此歌時已被旋律吸引：「雖然嗰時係周星馳唱緊（註：周星馳於電影《國產凌凌漆》唱《李香蘭》一幕，是由吳國啟代唱）。」主持車婉婉即扮暈說：「第一次係聽周星馳唱？」鄭家聲續稱感謝導師高少華悉心指導，更叫他再看《國產凌凌漆》找回感覺。