中年好聲音4｜顏值擔當曾出道做歌手 梁煜坤有聲有畫被肥媽睇好 呢位參賽者撞樣譚輝智搶焦

來自北京的梁煜坤是一位藝人經理人，他挑選了一首極富情感的歌曲《你是我的眼》，最終獲得4燈，惟張佳添指：「用咗太多震音，呢首歌係好率直嘅情感，愈震得多，愈會同觀眾有隔膜。」梁煜坤的出眾顏值獲肥媽大派心心眼：「我腦入面係一位滄桑嘅老人家，結果要樣有樣，要聲有聲，又靚仔又靚聲，得啦～」梁煜坤並非純素人，他15歲已經出過道做歌手，節目還曝光了他年輕時的相片，足證由細靚到大。

長髮型男鄭仲豪也早在十六歲開始了他的唱歌生涯，現任樂隊主音的他，依舊在這行努力發光發熱，皆因他想成為自己三個小朋友的榜樣。鄭仲豪以「魔盜王」造型獻唱張國榮的《春夏秋冬》送給媽媽，車婉婉笑言：「反差好大，原來係暖男！」其極具辨識度的歌聲，周國豐直指有黃家駒感覺：「有少少Beyond嘅黃家駒好早期嘅影子。」惟最終只得3燈成績，周國豐坦言衰在揀錯歌：「你係咪比較鍾意唱搖滾啲歌嘅？咁做乜鬼唱《春夏秋冬》呀？」

最後出場的37歲軟件工程師常曉然獻唱《皮囊》，演唱期間突飆高音嚇窒全場，只獲2燈成績。而網民的重點則在於常曉然有明星相，坦言：「有冇人同我一樣覺得佢好似譚輝智？」