中年好聲音4｜陳旭培遺憾出局 長文感謝「陳皮粉」 ：這只是我作為歌手的開始

陳旭培透露自己當初參加比賽的原因十分純粹，只是一直喜歡唱歌、想唱給大家聽。他更透露過去曾被星探發掘，惟當時因家人反對而告吹。談到參賽心態，他坦言：「我參加比賽既時候，無唸太多，keep 住係見一步行步，喺呢個比賽行得幾遠就幾遠，無唸過自己要贏咩名次。」

談及比賽途中的轉變，陳旭培指去到 10 強並與粉絲一同度過第一次 Fan Meeting 後，心理上開始有所改變。他感性表示：「我畢業之後，第一時間，居然係好想同你地對話，我係冇諗到既。我好想多謝你地，無論評審俾我咩分數，你地都會鍾意我支持我欣賞我唱歌。好想多謝你地，願意花時間去留言每一個言，發每一條信息俾我，出席每一個見面會，期待我每一日既動向。講真，去到中後期，冇你地，我覺得我真係，真心，未必有動力堅持落去。宜家節目結束了，但呢個只係我作為歌手既開始。」

最後，陳旭培更向一直默默支持他的粉絲「陳皮粉」深情告白：「我唔需要全世界既人支持，我只需要無論我高低起跌，都願意陪住我既你地。而我，亦都會珍惜、銘記、感恩有你地既支撐，做好我自己，唱好我既歌，愛惜好自己，來報答你地。我好感恩，多謝上天/命運/什麼都好，俾我認識到你地。多謝你地，我既陳皮粉。我好希望，我往後既道路上，都有你地『培著我走』。我好少會咁講，因為好肉麻。但我愛你們💙」