中年好聲音4｜陳旭培撐拐杖痛唱《阿士匹靈》「因禍得福」再攞MVP 范子睿衰「繃緊」無緣10強

陳旭培原本打算以勁歌熱舞演繹，卻在綵排時不慎拉傷大髀筋，無奈只能撐住拐杖上台。他唱《阿士匹靈》時全程流露痛苦之情，除了痛到眼泛淚光外，更罕有以怒音唱「喉嚨痛得死」，完美表達痛到咆哮的感覺。

旭培雖然帶傷上陣，無阻表現之餘還意外大爆發，豪奪95分，再度揮贏MVP！海兒大讚有驚喜：「痛到發掘出新嘅聲出嚟，連眼神都係冇見過嘅」。周國豐和張佳添亦異口同聲表示：「完全沒有同情分」、「真係唱得好！」肥媽則指若果旭培沒有拿拐杖，以為他「畀女飛」超過100次：「你係由隻腳痛到個心，再由個心痛到去個口。」

范子睿無緣《中4》十強

「頭號殺手」范子睿演唱《十面埋伏》，被指表現過於緊繃，拍子及氣息失準，奪得全晚最低85分，在幾位評審「退庭商議」後，范子睿無緣晉級，成為《中4》第十一名。

子睿離開前發表感言，一開口即哽咽道：「原來係講唔到嘢」，他眼濕濕說：「好多謝一路上向我提供幫助嘅人，包括節目組每個人都對我好好」，提及在《中4》舞台第一次獲得肯定，子睿忍不住爆喊，他亦感謝一路支持他的太太，在場選手紛紛喊成淚人，場面十分感人。