中年好聲音4｜配音員陳旭培零壓力飆高音 自爆與吳大強有一歌之緣

陳旭培獻唱《Careless Whisper》，其聲音悅耳動聽，歌唱技巧亦超凡，更零壓力飆高音，海兒期間忍不住左搖右搖，兼露出陶醉表情，海兒大讚：「呢首歌唔簡單，除咗唱功，係個Vibe同Groove。當你見到愈嚟愈多板開，你仲愈嚟愈Enjoy。」周國豐：「你真真正正係愈唱愈好同愈放，而且好多技巧上嘅運用，因為你成個人鬆晒，成件事好成立到。」肥媽則大讚陳旭培每個發音和尾音都咬字清楚。

談到選唱《Careless Whisper》，原來背後有段故，陳旭培透露有次在某酒吧獻唱該首歌曲，豈料因而吸引了同場的吳大強注意，吳大強更主動邀請他有機會「一齊唱吓歌」，相當奇妙！