:quality(80)/public/tvbcom/article/images/202607/0a60e29d-03fd-4a3e-a52b-699cbed578f3.png)
《保濟丸130週年呈獻：中年好聲音4》本周日（19日）晚8點翡翠台播映最新一集，邀請了關心妍擔任嘉賓評審，昔日合唱K歌名曲《再見亦是朋友》的曾航生和何婉盈出任「知音人」。
「Rock友」鄭仲豪收起「嘔泥聲」，獻唱蘇永康出名歌詞密集的《越吻越傷心》。車婉婉表示聽完覺得不是蘇永康的版本：「我睇到係吳國敬。」肥媽指很多人雖然可以一口氣唱密集歌詞，但就似讀書沒有起伏：「可能你夾Band出身，你同隊Band好似夾住去游水、潛水咁樣。」海兒更讚仲豪倍數式成長：「你搵到一把唱普通流行曲、唔係齋Rock嘅聲音。」
「喊包琪」許美琪選唱陳奕迅的《浮誇》，車婉婉評此歌在K房屬於災難級：「我哋會即刻去廁所」、「冇聽過有人喺K房唱《浮誇》係唱得好完整。」周國豐點評美琪的歌藝前，搞笑地指她穿的白色流蘇上衣很有肥媽Style：「我諗起肥媽登台。」海兒即踢爆：「啱啱美琪一上台，肥媽話『佢件衫邊度買㗎』。」笑翻全場！
