/public/tvbcom/article/images/202601/31120e2f-e718-4b14-a43c-110c23dd1bb3.jpg)
《中年好聲音4》第九集於本周日（25日）播出，70強進行「一對一PK賽」爭奪40個晉級名額。今集藝人代表「貓女郎」出場，貓女郎以西裝加短裙Look上陣，大晒修長美腿，她深情獻唱《練習》，張佳添直言：「你係一個唱歌嘅材料，音樂感、感情方面全部達標。」
惟貓女郎呼吸方法出事，未能發揮得最好，更意外引發了肥媽、周國豐「腹式呼吸」之爭，海兒建議貓女郎：「好多做藝人嘅女仔成日要縮肚，肌肉慣性向入收，要識得放番鬆個肚皮。」怎料周國豐抵死向肥媽挑機：「呢個係咪要問阿媽？你而家係咪縮緊個肚？」肥媽亦不客氣鬧爆周國豐：「唔使縮㗎我個肚皮，不嬲都凸出嚟，所以我咁好氣，（你）係咪未畀人鬧過？」
至於挑戰貓女郎的54歲髮型總監鄭康淇，他獻唱《落花流水》，上次僅獲2燈的他表現大躍進，鄭康淇笑言聽了肥媽的建議：「佢叫磨利把鉸剪嘛，我冇磨利把鉸剪，我走咗去練聲。」肥媽大讚：「你一開聲，感覺好似換咗個人，真係話畀大家聽，你有信心同有練習，真係會有進步。」
