:quality(80)/public/tvbcom/article/images/202608/1a1f70b0-1482-4b4e-9bf2-5530122d7f10.png)
《中年好聲音4》終極7強誕生，分別是尹景順、尤淑情、許美琪、許雲妮、吳亦偉、蔡宓婕以及鄭家聲。當中許雲妮更是首度奪得MVP，事後她發文分享心情，她說：「首先要好多謝 Janice 頒呢一個 MVP 俾我 🥰🙏🏻🙏🏻」許雲妮透露當刻是百感交雜，她說：「攞到 MVP 我係開心嘅，但同時真係好難受、好唔捨得。見到每一個參賽者都咁努力打最後一場仗，當時我心裏面好難過，點解每個人都咁努力，但始終都要淘汰三個人？所以當時我真係笑唔出黎😔」
許雲妮續指，「以前第一次睇到人哋攞 MVP，我心裏面都會諗：『總有一日我都會攞到。』但一次又一次嘅擦身而過，已經令我冇再去諗呢一件事。後來每一次比賽，我只想順利晉級，心裏就只有一個目標：上啟德舞台！ 」
許雲妮能夠晉級7強，她感謝各方的支持，她說：「多謝我嘅屋企人，你哋係我最強嘅後盾！❤️多謝所有『小吉』，其實呢一晚你哋俾咗好多力量我，我每次都同自己講，絕對唔可以令你哋失望。多謝 TVB 所有鼓勵過我嘅工作人員，因為你哋一直都覺得我係有資格攞 MVP 嘅人。」最後她更點名多謝范子睿，她說：「最後，呢個 MVP 我要同范子睿一齊分享！因為你係我心目中嘅 MVP！❤️✨」
