中年好聲音4｜許美琪《胡桃夾子》過山車式「光暗」唱法獲讚有吉士 88分揮贏錢偉浩《如願》

錢偉浩藉歌向觀眾席的父母致以感謝：「我都希望可以一路行落去，但係唔知幾時……永遠都可能係最後一次，所以今次邀請佢哋過嚟睇。」對於偉浩的表現，幾位評審指其歌聲平穩，但欠缺感情表達，未能觸動周國豐的神經：「略顯太平穩，著重喺技巧方面，但係呢首歌對於我哋嚟講其實感情嘅比分會好重要，唔可以好浮於表面 」，最終斬獲84分！

至於曾多次獲得5燈的唱將許美琪則一如既往選擇挑戰高難度，首度獻唱普通話歌且在短時間速學，連主持車婉婉亦忍不住驚嘆：「高難度到咁樣！」。許美琪的歌劇式演唱極具舞台張力，「過山車式唱法」獲張佳添大讚有「吉士」：「你嘅氣息、音色全部好紮實好好聽」，惟最高音部分出現小瑕疵：「喉嚨緊咗少少，頭聲唔夠靚」，海兒亦表示認同：「feel到你嘅小小極限」，她續以「光暗」形容美琪的表演：「用一啲光暗嘅對比令到件事好有深度，我覺得美琪呢個技巧用得非常之好，令我好享受。」最後，許美琪以88分揮贏錢偉浩。