:quality(80)/public/tvbcom/article/images/202512/0cb7f1fe-9271-4c0f-b692-118750a9e3e2.png)
《中年好聲音4》昨晚一集是「決戰TVB藝人賽區」，有「御用秘書王」之稱的葉凱茵以蒙面身份「熊貓寶寶」參賽，惟最終只獲得一燈，遺憾止步。事後葉凱茵在社交網發長文發表感受，她坦言：「但係對唔住，令你哋失望，講真，我對自己都好失望。」又謂感恩可以踏上《中4》這個舞台，「最初知道可以加入中年好聲音4呢個舞台嘅時候我真係覺得好開心好感恩,亦都冇諗過咁幸運我可以入到中年好聲音4呢個舞台！我開始去做運動學唱歌每日練歌，為呢個舞台做好準備。」
延伸閱讀：中年好聲音4｜TVB「御用秘書王」葉凱茵緊張失準慘遭淘汰 淚崩感謝老公120%支持
葉凱茵直言入行23年，除了演戲外，最愛便是唱歌，「入左行23個年頭，除咗演員呢個身份之外，我最喜歡就係唱歌，因為機會難得，原來自己俾咗好大壓力自己，咁難得先至可以企喺呢個舞台上邊，希望透過呢個舞台俾大家知道我係可以唱歌同最重要係可以令自己更加進步。」
葉凱茵指比賽當日是「超級超級超級勁緊張」，「平時自己一直都有登台表演唱歌，估唔到今次可以緊張到咁，浪費咗今次咁好嘅機會，我只係怪我自己心理質素唔好，白白咁浪費咗今次難得嘅機會機會。」續指比賽後感到好慚愧好氣餒，「面對唔到自己，但經過時間嘅沉澱同埋發省，我諗要有勇氣去面對自己嘅過失，再有勇氣去企返起身（因為我真係可以唱到歌架）。」
葉凱茵說會重新出發，「我感恩有呢一次嘅機會同經驗，感恩我都能夠上到中年好聲音4呢個舞台，再次多謝公司台前幕後中年好聲音製作團隊，未來我會更加努力提升自己，改善自己。」
