中年好聲音4｜羅天宇揭首度除面罩感「赤裸」 感謝好拍檔朗尼力撐：令冇咗獅子保護嘅我多咗個戰友

由起初慢慢適應戴面具到得知要除下面罩的那一刻，羅天宇直言感到「好赤裸」沒有安全感：「今集喺錄影嘅早上製作組突然宣佈今集（唔帶面具！），我哋所有動物園嘅動物都非常震驚。由最初覺得帶住面具唱歌唔習慣，有啲困擾，去到適應左，再加上有一種匿埋喺隻獅子背後被保護嘅感覺突然之間消失咗，忽然覺得唔帶面具企喺台上面好赤裸，好冇安全感。」

他續指導師分組賽很幸運與朗尼一組，令他安全感倍增：「冇咗獅子喺前邊保護嘅我多咗個戰友」，雖然選唱《曖昧》中途遇到不少難題，但感恩好拍檔默默力撐，合力完成這個難忘的舞台：「老實講兩個男人去唱呢首歌真係遇到唔少困難，嗰段時間工作上又比較忙，但係朗尼願意付出300%嘅時間跟住我周圍去，去借衫，去上堂，去開工，一有小小時間我哋就練，練到上台前一刻。多謝你朗尼！我們盡力了，好開心可以認識你」。