:quality(80)/public/tvbcom/article/images/202607/71fd6e0f-e086-4376-9faf-e18b7e7f7dcf.png)
《保濟丸 130 週年呈獻：中年好聲音 4》於今晚（19 日）播出最新一集！今集迎來了緊張刺激的10強賽首回合「K 歌之夜」，其中被視為「大魔王」之一的尤淑情，今次特別以一身耀眼奪目的 Bling Bling 裙裝造型上陣，一登場即被主持車婉婉大讚「索咗」，視覺效果先拔頭籌！
延伸閱讀：中年好聲音4｜吳亦偉「發癲」演繹《開到荼蘼》 極致爆發力狂奪 94 分
+3
除了造型吸睛，尤淑情今集再度大晒超強歌唱實力，她深情獻唱《如果沒有你》，並大膽挑戰唱高8度飆高音，將情感與技巧完美結合，最終勇奪93分的佳績。尤淑情的精湛演出亦獲得評判一致好評，嘉賓評審關心妍更是當場被感動得眼濕濕，驚嘆道：「你把聲一開已經可以令我喊，你把聲情感好深，你好勁，自製難度，澎湃感我聽到呆。」
兩大「門神」周國豐與張佳添的評分卻出現了相當大的分歧，兩人分別給出了94分及89分，一向自認「冷血」的周國豐今次徹底被尤淑情深深打動，更破例給出94分的高分：「佢用咗一種好技巧方式嘅爆，再加上埋佢嘅感情，令我相信嗰種爆唔係技巧爆出嚟，而係內在真係爆出嚟，可以令到冷血嘅評審想喊，94分真係好難。」另一位門神張佳添則一針見血，指出尤淑情的致命弱點：「中音至中低音發揮唔係最好，前半歌不斷重複嗰啲 Hey，好需要用到，咁先會帶得出個味道。」
另一邊廂，陳旭培今集則挑戰了超高難度的《K 歌之王》，最終獲得88分。原來，陳旭培今集是帶病上陣，表現難免受到影響，評審肥媽看穿其不適，直言：「係咪唔舒服，第一句就走音。」而海兒亦溫馨指出他的音準與控制問題：「真假氣聲 Control 得幾好，但唔知你係咪有啲緊張，啲低音啲音準有啲飄。」
