中年好聲音4｜尤淑情卓猷燕演繹淒美愛情 冧爆語錄獲讚「殺女」 91分險勝科亞高巴許雲妮

至於兩大魔王尤淑情與卓猷燕，合唱《讓一切隨風》X《愛你一萬年》。卓猷燕以西裝look登場有型有款，尤淑情一襲仙氣長裙盡顯優雅，兩把聲線「一柔一剛」，車婉婉聽完大呼好hurt：「好淒美嘅愛情嘅感覺」。

兩人對舞台的設計亦落足心思，尤淑情解釋：「佢想同我喺埋一齊，但係我一直唔答應。」卓猷燕隨即大爆溝女金句：「我寧願跟你吵架，也不要跟別人談戀愛」，此話一出，冧爆在場觀眾及評審，嘩聲一片，張佳添更表示甘拜下風，要向猷燕「偷師」：「你可以『殺』好多女啊，添Sir要向你學習！」

而一向「嚴厲」的周國豐亦指兩人的配搭非常有新鮮感，大讚她們唱出老歌情懷。惟海兒建議：「你哋嘅和音有少少唔係好夾，可能有啲位不可以整得太複雜。」最終兩人獲得91分，險勝89分的科亞高巴許雲妮，並由尤淑情獲得晉級襟章。