中年好聲音4｜姚兵Deep V獻唱《誰明浪子心》飆高音 劉佩玥甜爆蜜嗓獲讚似足少女

劉佩玥甜絲絲演唱關淑怡名曲《難得有情人》，獲得83分！本為演員的劉佩玥跳出Comfort Zone不斷突破表現獲讚，張佳添更直呼有少女懷春的感覺：「呢隻歌係適合你，我開頭覺得有啲少女懷春嘅感覺，我真心feel到」。

惟升Key部分表現欠佳，周國豐亦建議：「我覺得唔需要升Key，因為升Key對於件事冇幫助，反而會好容易抓唔啱個Key話，成為我哋評審嘅扣分嘅地方。但我覺得今日係一個好好嘅一個體驗，我好希望佩玥你要相信自己，你喺舞台上面你嘅唱歌嘅能力係一路遞增」！

姚兵身穿Deep V皮褸深情演唱《誰明浪子心》，令眾評審及台下觀眾聽得入迷，最後一句飆高音更直接成功俘虜肥媽給出18分。不過，張佳添指歌曲的開頭部分缺少層次感：「你用咗一個好soft嘅方法開頭，咁我覺得呢個approach未必好適合，整體嘅層次感仲可以拿捏得更好。」

周國豐亦表示姚兵的版本「太冷靜」：「佢除咗浪子係重點之外，最重要兩個字係『誰明』，因為唔明呢個浪子點解會咁，於是係嗰種忐忑、矛盾，前面你太冷靜了。」