中年好聲音4｜唯一陳旭培雙語演繹林憶蓮《依然》 頂級炫技奪全場最高94分

兩人以雙語演唱毫無違和感之餘，情感與技巧更是滿分，對於首次挑戰唱廣東歌的唯一來說，難度不小，可見背後落足工夫。肥媽直指唔似睇緊比賽，而是欣賞一場表演。 評審張佳添大讚兩人唱功紮實，默契十足，搞笑形容「我嘅耳朵被兩個男人按摩咗」！

談及表演信念，唯一指追夢沒有年齡上限，只要勇敢嘗試，就有機會。唯一又感謝到場力撐的妻子和寶貝女兒，為他注入滿滿能量，太太即刻以心心手勢回應，有愛互動甜到漏！

經過新一輪激戰，紅隊以265分暫時領先，綠隊259分，而紫隊只得258分暫時包尾，最終紫隊的兩位學員王卓樂、謝昉益被淘汰，導師高少華爆喊：「我今日有兩個學員被淘汰，但係你哋喺我心目中已經100分」，惹全場淚目。