:quality(80)/public/tvbcom/article/images/202602/5273057e-49bd-4743-8c47-455f6c2499d9.png)
《中年好聲音4》第11集，是「70強一對一PK賽」最終回。當中藝人代表唐伯虎、鹿七伯、樹熊公子無緣晉級，揭下頭套露出真面目，他們的真實身份分別是蔡國威、譚永浩和黃建東。
+2
唐伯虎獻唱《留低鎖匙》僅獲3燈，未能撼贏4燈蔡宓婕的《給我一個理由忘記》。去到最後階段，唐伯虎難逃被淘汰的命運，無緣晉級，揭下頭套後，大家均驚訝他便是有「六合彩之子」之稱的蔡國威，蔡國威爆喊說：「我歌唱比賽入行，但入行後覺得自己唱歌唔好聽，差過好多人，我將呢個Function刪咗。我有睇《中年好聲音》，覺得參加呢個比賽嘅人都好叻，我諗緊有冇得起呢個Function學番少少嘢？夠唔夠膽喺人哋面前唱番歌呢？所以先決定參加。」向來眼淺的肥媽哭說：「我一定要搵人請你唱歌！」
鹿七伯獻唱《爛泥》僅獲2燈，直接被淘汰，鹿七伯真實身份是譚永浩，身為《英皇新秀歌唱大賽2010》「金咪大獎」得主的他說：「我新秀入行，畀人問過點解要使主持，受好大打擊，因為冇嘢反駁到佢。」樹熊公子獻唱《可惜我是水瓶座》獲得2燈，同樣直接被淘汰，其真實身份是黃建東，他說：「好唔捨得，以為可以玩多一兩Rround，我係好鍾意唱歌嘅黃建東！」
