中年好聲音4｜周志康Chok爆唱《獨家試唱》 除衫騷肌勁煞食勇奪MVP

周志康的型格造型不單獲得著名時裝設計師何國鉦頒發「最佳衣著獎」，主持車婉婉更打趣指他的眼神猛烈得「好似要吞咗肥媽咁」；肥媽亦形容志康勢如「猛龍」，表示：「佢一除衫，我隔籬嗰個係咁叫！」

張佳添激讚志康今日型到爆，絕對是兼具實力與顏值的代表：「你絕對可以做到『實偶派』，實力偶像！」，更笑言：「結咗婚嘅男人唔可以咁型㗎，你老婆會好冇安全感㗎」。「知音人」李思捷則被他13秒Mic Stand互動深深擊中：「好似睇緊鋼管舞，揮灑自如」，搞笑建議他下次可以嘗試雙截棍！

最終，周志康憑藉破格表現豪取93分，強勢奪得本場MVP！他感性坦言自己不是一個喜歡突破的人：「多謝呢嘅主題，令我可以突破，感謝《中年》呢個舞台 ，追夢太困難，中間可能會有好多個波折，但係唔緊要，你願意去行、去突破、去將自己最想做嘅嘢，一路去做，就得喇」，同時亦不忘冧爆感謝特地到場力撐的太太：「佢係我屋企嘅MVP，佢係一個最好嘅太太，最好嘅媽媽」。