中年好聲音4｜可嵐Deep V西裝搶Fo 姚兵扮羊食老虎大躍進

今集其中一位焦點選手是「白羊君」姚兵（兵哥），選唱許茹芸 的《淚海》，獲評審們一致激讚由參賽至今進步神速，主持車婉婉更讚兵哥的廣東話大躍進：「我依家好清楚聽到你講嘢。」周國豐指兵哥捨棄了許茹芸的淒美版本，唱出「中年人澎湃版」《淚海》，谷婭溦則笑指兵哥一直扮羊食老虎：「你突然突飛猛進呀！」更讚兵哥唱低八度再轉高八度都應付自如。至於海兒笑言見到兵哥唱歌時腳震，但原來是好事：「呢種震係From腎上腺素，其實你係好興奮、好享受。」海兒建議兵哥下次演出時着質地較厚的褲，就不會被人發現腳震。

同樣獲評審們讚有進步的可嵐，穿上Deep V西裝性感上陣，明艷照人。可嵐哽咽透露選唱陳奕迅作品《你給我聽好》，原本是想送給一位朋友，但趕不及唱給對方聽：「有一個朋友睇唔開，過咗身！所以唱呢首歌我想鼓勵我哋每一日都有好多唔同嘅選擇，因為我哋仲有好多嘢可以做。」