中年好聲音4｜劉佩玥獻唱鄧紫棋版《喜歡你》 暴露一致命弱點遭淘汰：盡咗力無愧於心

肥媽大讚劉佩玥外型出色聲笑容甜美，比賽至今不斷成長有進步，其後她一語中的點出阿Moon的問題所在：「你對自己冇信心，所以見到你hold個音準嘅時候就冇咁穩陣。」肥媽續指歌曲欠缺個人特色：「唔係每一隻歌佢點唱你就要點唱，你用自己嘅方法唱引死啲麻甩佬」。評審谷婭溦亦表示選曲難度頗高：「當你嘅聲音唔夠powerful嘅時候，你就會好蝕底。」

至於劉佩玥的對手是《中4》首位MVP選手尤淑情，一向感情與技巧並存的她以一首《愛》再度勇奪全晚最高分91分！雖然淑情今集繼續發揮高水準，不過多位評審直指她歌唱技巧太過，略顯美中不足，周國豐：「太dramatic，令到我會失去咗對呢首歌觸動嘅感覺，不過由於你本身技巧太好，我就算點樣扣分都唔會扣得好多」。

劉佩玥在台上分享感言，表示很榮幸站上這個舞台並成功進入30強：「一開始其實我真係唔夠叻，唔夠資格喺呢度，但係我一路發覺唔係淨係諗自己有啲乜不足，雖然好緊張，但係返到屋企我會覺得，其實喺個一刻，我都盡咗力，我對自己係無愧於心，我一定會繼續好俾心機咁樣去學習，我唔會停落來」，台下掌聲雷動。第二位被淘汰的選手朱珠忍不住淚灑舞台，她指自小在「重男輕女」的家庭長大，是音樂陪伴她：「我真係熱愛呢樣嘢，我會繼續唱下去」，場面感人。