中年好聲音3｜黃博獻唱高難度《蜚蜚》游刃有餘 嚇到肥媽大叫：你以後唔好唱我嘅歌呀！

《中年好聲音3》本周日（27日）晚8點翡翠台播出時長長達2.5小時的9強之戰！今集除了繼續有車婉婉擔任主持，固定評審班底肥媽、張佳添及周國豐，還有音樂女神海兒以及著名填詞人潘偉源，齊齊見證8強誕生。

周國豐讚黃博Hi-Fi靚聲

本集主題是「改編歌之夜」，被視為「女大魔王」的黃博選唱難度極高的《蜚蜚》，雖然黃博台上透露不太敢挑戰《蜚蜚》，皆因擔心自己做得不夠好；不過由於獻唱時游刃有餘、歌聲亦極富感染力，結果獲得一面倒好評，超過一位評審認為要扣黃博分數難到不得了，肥媽更笑言不容許黃博以後唱她的歌：「你知唔知你唱人哋嘅歌，人哋有壓力架，黃博我哋要喺雞蛋裏面挑番嗰一分出嚟知唔知幾鬼辛苦，但點都要減佢多少嘅，因為佢織冷衫都入咗去（final）架喇。你係好投入、好享受你嘅歌，你好有自己。你以後唔好唱我嘅歌呀，唔係偷鬼咗我嘅歌！」海兒：「我哋暫時冇睇到你有駕馭唔到嘅一次，全香港嘅歌手都擔心緊你唱佢啲歌，真係唱得非常之好。」張佳添：「你能夠將呢首歌由microdynamics再去macrodynamics，你簡直帶我哋上山落海，情感好足好澎湃，差唔多perfect。」周國豐：「你今日聲音狀態好好，接近Hi-Fi發燒嗰種狀態，無論感情聲音控制都好好。」